Bole to, kal tera picture dekha Hirani bhai. Ekdum mast picture banayerela hai. Aur aajkal yeh TV channel aur newspaper log sab Gandhigiri par solid discuss maar rela hai. Aisa lagrela hai sab koi yeh picture dekh kar kuch badal rela hai... Sach bolne ka aur stranger log ko accha smile dene ka practice kar rela hai.
Magar dekh na. Kal, Gandhi Jayanti ke din jab apun picture dekhne ko nikla to apun ka kya experience hua.
Pehli baat to yeh. Gorment ne entertainment tax maaf karela hai magar theatre waale? Un log ne rate wahich ka wahich rakha hai. Bole to.. yeh to cheating hua na bhai?
Upar se 'house full' ka board lagrela hai. Magar tension nahi lene ka.. black mein ticket aaraam se mil rela hai.
Lekin phir kya hua na aaj New Bombay ka koi VIP ministerlog dopahar ka show dekhne ko gaya. Bole toh hall ka exit waise to pichu ka taraf rakhela hai.Magar Ganesh Naik saab ko kya hai na, aage ka darwaza se nikalne ko mangta hai. To khaali peeli public ko aadha ghanta udhar latka ke rakh diya...
Ab tum hi bolo Bhai, kis kis to phool bhijwane ka? Aur kis kis ke ghar ke aagey satyagraha karne ka? Kaise Gandhigiri ka theory ko practical mein badalne ka... Itne bade country ka itna saara locha kaise saltaane ka?
Waise picture ekdum mast banayereli hai... mast banayereli hai.
